{لا تسأل عن أحوالي} موشح
.......................................................................................
لا تسأل عن أحوالي. ....عن أصلي سآل
جولان ترابي غالي.........وخيراتي غلال
ءءءءءءءءءءءءءءء
لو حطوا العالم كلو
بكفة ميزان
وبتاني كفي ملوا
سفح الجولان
للمستعمر منقلو
ترابو منصان
الجولان ترابو كلو
بتحميه رجااال
ءءءءءءءءءءءءءءء
بدي غني غنيتي
بصوت البارود
وخلي الصوت بناحيتي
زأرات أسود
مجدل شمس الي بقيتي
بوجه التلمود
بفخر فيكي الفديتي
وقدمتي شبااال
ءءءءءءءءءءءءءءء
جولاني إسمو عالي
فوق المريخ
بفديه ب إبني ومالي
بجبال الشيخ
لو تتقطع أوصالي
عيسي مابنيخ
حتى ترجع ياغالي
ويحلا الموااال
ءءءءءءءءءءءءءءء
بسهر بحمي جولاني
بليلي ونهار
ورندح للفخر غناني
علا خط النار
نار بقلبي ولعاني
والمتلي كتار
حلفنا لنجيب الجاني
مكبل بغلاااال
ءءءءءءءءءءءءءءء
سلاحي وإيماني وحبي
لتراب الأرض
والله والشاهد ربي
محبتها فرض
بعلي صوتي ومابخبي
رح صون العرض
وربي هالمش متربي
لو مهما جااال
ءءءءءءءءءءءءءءء
جولاني دوم بتبقى
غالي وماتهون
مامنرخص لو نشقى
أو مهما يكون
رح تبقى متل الحبقة
فوق البلكون
من الدم السوري بتسقى
وفيك الآمال
ءءءءءءءءءءءءءءء
ندر عليي ياخيي
إحمي الجولان
ويبقى هوي الغنييه
وأسمو عنوان
وإسرائيل الغبيية
ترامب الحيوان
ورطها مية المية
بوعد من خيااال
ءءءءءءءءءءءءءءء
لما البارود يلعلع
منصون الدار
وأول ما الفجر يشعشع
نهجم وكتار
صهيوني مهما تبعبع
مانخاف زغار
إيماني مابتزعزع
دربك ع الغاااال
ءءءءءءءءءءءءءءء
بالدم السوري كتبنا
أحلا الصفحات
رح منحارب لوشبنا
بكل الأوقات
صهيوني بتكاتبنا
لكن هيهات
جربنا الحية بتبنا
بتغدر بالحاااال
ءءءءءءءءءءءءءءء
رح نبقى ع موعدنا
بأرض الجولان
وعدنا ت نحرر عدنا
نفجر بركان
وزدنا هالهمة زدنا
وشدينا عنان
وسورية بريفا ومدنا
وقفة رجااااال
ءءءءءءءءءءءءءءء
وهالهوية السورية
غيرا مانشيل
ومامنخاف المنية
وكتر التهويل
إدارة أمريكية
مع إسرائيل
مشاريع العنجهية
آلت لزوااال
ءءءءءءءءءءءءءءء
لاتسأل عن أحوالي. ....عن أصلي سآل
جولان ترابي غالي. .....وخيراتي غلال
بقلم
أ.محمد شاهين
خارج الموضوع تحويل الاكوادإخفاء الابتساماتإخفاء